.
.
السبت, 09 فبراير, 2008
واذا كلمـن تعمـم كـال آيـات
يضيع عليك ياهو الذيل والراس
واذا كلمن حكم كال انه هـارون
اكيد البالسجن كاظـم وينبـاس
واذا كلمن عشك كال انه مجنون
فلا تلكه عقل ومسودنه النـاس
واذا انت بعقل وايمـان حبيـت
يجيك اشلون كلي بليل وسـواس
واذا كلمن صعد ما نـزل للكـاع
فلا يبقه نجـم والكمـر ينـداس
واذا شاهت عيونك فوك ارجوك
ددنك شوف عرج الكاع دسـاس
صحيح الكال منك بيـك ياذيـك
غفيت اشلون حدرك ذيل نـداس
اذا كلمن حكم يتفرعـن عليـك
يصير الموت لعبة حاس يا باس
اذا احنه سكتنـه تضيـع بغـداد
تلوذ هناك سكته بحضن تكساس
ولا تسال تكلي اشلون واشلـون
لان مات الشريف وبقه العـلاس
مو كافي شبعنه سيوف ورمـاح
اهي زور الركاب وشايل الفـاس
تزبر بالركـاب وتقلـع عيـون
وتوشل بالدمه من طاس للطاس
تشوف العين كلي اشلون وتنـام
اذا بالعين ماكو رموش حـراس
واذا غرك تساوي اضيع الزيـن
معالم بالطبيعـه تريـد مقيـاس
واذا انت بنيـت تاكـد وشـوف
اخاف هناك عثه ازرعوا بالساس
غيرك لا تظـن واحـد يصفيـه
اذا مأيك خبط بالبيـر ونحـاس
يضل عود البخـور يعطرالكـون
ويضل الياس انت تصيحله الياس
ويضل حسين هو حسينه وحيـد
ولا بالناس مثله يوحّـد النـاس
فـرق بيـن اليكـل لعـداه لا لا
وما بين اليدنـك كـال لا بـاس
أضف تعليقا
أضف تعليقا
<<الصفحة الرئيسية
.
.